Jetë Studentore, Note

7 app për studime falas.

Dëshira e mirë për të mësuar nuk mjafton .  Ata që ja dalin kanë  vullnetin për të ndërmarrë hapa praktikë. Duhet të jesh i qëllimshëm dhe të krijosh një disiplinë ditore.

Përparësia e kohës që jetojmë është që ka burime të panumërta nga ku mund të zgjerojmë dijet tona dhe freskojmë ato që tashmë dimë. E gjithë kjo në dispozicionin tonë 24/7 një prekje larg telefonit tënd në formën e një aplikacioni. 

Nuk i përdor të gjithnjë njëherësh në bazë ditore. Disa janë më shumë si librari që mund ti konsultoj herë pas herë. Siç është rasti i youtube.

Gjithashtu së pari përcaktoj fushën që dua të studioj bashkë me ekspertin pastaj zgjedh platformën online . Pavarësisht fushës , aplikacioni youtube është i vetmi që nuk të lë asnjëherë në baltë.

Ja 7 aplikacionet që përdor më shumë. (jo në rend rëndësie)

screen-shot-2017-01-04-at-12-29-20-pm1.  Youtube 

Ndonëse i njohur  si magazinë muzike , youtube është një univers i tërë ku ofrohen burime të jashtazkonshme në nivel akademik. E vetmja gjë që duhet të dish është çfarë fushe po kërkon dhe disiplina për të të dëgjuar.

screen-shot-2017-01-03-at-11-34-23-am2. Kindle  

Aplikacioni  punon në çdo sistem e telefon të zgjuar  . Ka aplikacione alternative që ofrojnë dhe libra falas. Por kindle e cila është lidhur me faqen amazon ofron mundësine e ruajtjes së bibliotekës digjitale në cloud si dhe ruajtjen e shënime apo nënvizimeve në një faqe falas për klientët e amazon. gjithashtu mund të shfrytëzosh ofertat  që ofrohen duke marrë libra falas ose me çmim të reduktuar. Gjithsesi librat e mirë kushtojnë. Dhe literatura e mirë ofrohet neë anglisht.

screen-shot-2017-01-04-at-12-32-15-pm3.Audible

Versioni i kindle në audio. Rregullat e blerjes dhe ruajtjes së librave funksionojnë si kindle. Nganjeherë mund të dëgjosh ndërsa bën edhe një punë tjetër.

screen-shot-2017-01-03-at-11-33-50-am4 Podcast 

Unë përdor overcast që është një aplikacion për të dy platformat ios dhe android . Një sërë eskpertësh kanë kanalët e tyre përgjithsisht audio por edhe video. Këtu mund të ndjekësh seri ligjëratash apo the trajtime të çështjeve të veçanta. Ky aplikacion është me vlerë sidomos kur kemi kohë të vakët si vajtje ardhje nga shkolla, puna. udhëtimet me autobus apo kur pret në radhë. Zakonisht sesionet variojnë nga 20 deri në 40 minuta.  Herën tjetër që po prisni vendosni kufjet dhe dëgjoni dicka me vlerë që ju intereson dhe ju ndihmon në jetën tuaj.

screen-shot-2017-01-04-at-12-31-07-pm5. iTunesU 

Eshtë një  universitet global . Mjaft të përmendim që në të do të gjeni kurse të plota falas nga Oksford, Jell, Harvard MIT, Kembrixh. Endërra juaj për të studiuar në Harvard mund të bëhet realitet. Ju nevojitet iTunesU dhe vullnet për të ndjekur kursin bashkë me detyrat shoqëruese. Alternativa më e mirë për android është Khan Academy (gjithashtu Khan ka një aplikacion për (iOs).

screen-shot-2017-01-04-at-12-32-53-pm6. TED

Ide që ja vlejnë të ndahen. Platforma TED e mëshiron atë që prezanton. Fusha janë të larmishme që nga edukimi, shkenca marrëdhëniet ndërpersonale apo historitë njerëzore. E veçanta e TED është kufizimi i prezantimit më të gjatë  në 18 minuta (ka përjashtime të rralla) dhe prezantimi i temave nga protagonistët.

screen-shot-2017-01-04-at-12-31-39-pm7. Rightnow media

Eshtë një librari online që i dedikohet kryesisht komunitetit të krishterë. Në të gjeni kurse mbi prindërimin, martesën, rritjen shpirtërore, udhëheqsinë etcc. Ju nevojitet një ftesë nga një anëtar i rightnow. Klik këtu për një ftesë.

Ja vlen të përmendim twitter i cili sipas mendimit tim është media sociale me shpërqëndrimin më të vogël dhe pasurinë më të madhe në raport me cilësinë e burimeve që sugjeron. Twitter përdoret nga ekspertë të fushave të ndryshëm për të shfaqur  punën e tyre. Një burim i mirë njoftues që të vë në kontakt me burime të vlefshme në fushën tënde të interesit. Padyshim sëpari duhet të zgjedhësh kë të ndjekësh .

Ndonëse burimet mund ti merrni online nga telefoni juaj  zakonisht unë preferoj që disa prej tyre ti ndjek me bllok shënimesh dhe stilolaps në dorë.

Së fundmi provoji dhe zgjidh ato që plotësojnë nevojat tuaja.

A i ke përdorur më parë këto aplikacione? A ka ndonjë tjetër që nuk e kam përmendur që ti e gjen të vlefshëm?

p.s nëse artikulli ka qenë ndihmë për ty ndaje me të tjerët. 

Advertisements
Standard
Jetë Studentore, Note

Sa lexojnë shqiptarët ?

Në një sondazh 3 ditor drejtuar kryesisht të rinjve (nga 194 anketues 110 ishin të moshës 18-24 vjeç) që përkon me moshën universitare kemi të dhënat e mëposhtme.

mosha

Shumica dërrmuese e tyre lexon më pak se  15 libra në vit. Me fjalë të tjera një libër ose llojimë pak në muaj.Screen_Shot_2016-01-14_at_12_30_13_PM

Zhanri i librave kryesorë është letërsia me mbi 40% të të anketuarve.

Pra duke marrë parasysh që shumica e të anketuarve janë në universitet dhe në një vit akademik mesatarisht ke detyrime nga fakulteti të studiosh 12 deri në 15 libra.  Rezulton që shumica nuk lexon as librat e shkollës.

Fakt interesant është që 10 % (19 të anketuar) që nuk kuptohet cilës moshë i përkasin lexojnë vetëm një deri në tre libra në vit.  Nëse marrim një libër mesatar prej 360 faqesh i bie një faqe në ditë.

Ndonëse sondazhi tregon prirjen, realiteti mund të jetë akoma më keq,duke llogaritur që sondazhi është ndarë në facebook mes miqsh që lexojnë.

Në një kulturë të ngopur nga telenovelat, shpërqëndrimi i facebookut dhe shkollës pa standarte çështja e librit bëhet urgjente.

Websiti  Lifehack liston 10 përfitime nga leximi i librave

 

  1. Stimulim mendor
  2. Ulje e nivelit të stresit
  3. Dije
  4. Zgjerim fjalori
  5.  Përmirësim Kujtese
  6. Aftësi më të mira analitike, zgjidhje problemessh
  7.  Përqëndrim dhe fokus më i mirë
  8. Aftësi për të shprehur mendimet me shkrim
  9. Qetësim
  10.  Argëtim
Standard
Jetë Studentore

Jetё studentore me qëllim.

Në aventurën akademike ditët e para janë të zhurmshme. Auditorët dëgjojnë zëra të rinj, biblotekat kureshtarë të zellshëm, kafenetë klientë të rregullt,mencat nazelinj të ndreqshëm. Konviktet dhe shtëpitë me qera banorë rrëmujaxhi/fitimprurës.

Në rrugën kah universiteti,fytyra të reja, vajza dhe djem të paparë në ambjentet studentore do të shkëmbejnë buzëqeshjet e para tinëz e sy ndër sy. Sapo kanë filluar ftesat e para për kafe.

Vitet e Jetës studentore janë plot jetë. Plot sfida e aventura. Plot mund , plot suksese dhe  dështime mësimdhënëse. Sapo keni lënë të18-tat dhe po i qaseni jetës prej të rrituri. E thënë me gjuhën e facebookut një LifeEvent i ri shfaqet në Timelin`in e jetës tënde.

Jeta studentore nuk është vetëm një jetë akademike. Energjia dhe potenciali rinor nuk mund të kufizohet vec në studimet tuaja. Larmia e kësaj jetë shtrihet edhë në nje jetë aktive shoqërore dhe shpirtërore.

Nganjëherë jeta shpirtërore bëhet rruga së cilës i biem rrallë gjatë viteve studentore. Por bash në thellësitë shpirtërore lindin ato pyetjet që nuk na lënë rehat. Pyetje të cilat po t`ua dimë përgjigjet do ti jepnin kuptim përmbushës jetës sonë. Në sinqeritin e zemrës të gjithë i kemi bërë vetes nën zë këto pyetje:Pse jam këtu? Kush jam unë? Pse kaq shumë vuajtje dhe padrejtësi në botë. Ç’kuptim kanë jeta dhe vdekja,  e mira dhe e keqja, shpresa dhe besimi , urrejtja dhe dashuria?  Mёnyra se si zgjedhim t’u  pёrgjigjemi kёtyre pyetjeve do tё pёrbёjnë edhe burimin e një  jetё të jetuar me qëllim.

Në larminë e mundësive të kësaj faze të jetës ju sfidojme të filloni me fundin në mendje.Një urtësi  biblike thotë;

Hyni nga dera e ngushtë, sepse e gjërë është dera dhe e hapur është udha që të çon në shkatërrim, dhe shumë janë ata që hyjnë nëpër të. Përkundrazi sa e ngushtë është dera dhe sa e vështirë është udha që çon në jetë! Dhe pak janë ata që e gjejnë.

Në përvojën time studentore më është krijuar bindja e thellë se :

Gjëja më e vogël që mund të merrni nga vitet studentorë mund të jetë një diplomë,
gjëja më e madhe do të ishte të kuptosh se çfarë do të bësh me jetën tënde.

 

Paçi një jetë studentore plot jetë dhe sukses.

Standard
exam
Jetë Studentore, Note

O Zot, që nuk më dhe një mendje për të kopjuar?

Pyetje pa përgjigje. Pyetje që u përgjigjemi përgjysmë. Përgjigje që i sajojmë. Përgjigje që i kopjojmë.Është stina e provimeve. Universitarët shqiptarë janë në javët e llogaridhënies mbi dijet e tyre.

Në fjalorin studentor fjalët më popullore për momentin janë :”Stres, nuk ma dha profesori, nuk fle dot gjumë, e lashë për vjeshtë, na iku petlla”.

Nga fjalori i pasur i sezonit do të veçoja një lutje interesante të një studenteje:”O Zot që nuk më dhe një mendje për të kopjuar? -u thoshte ajo kolegëve te saj gjatë një aktiviteti studentor.

Një tjetër ankohej që për të njëjtën përgjigje profesori i kishte vënë notën katër dhe mikut të tij një gjashtë.

Një i tretë me shpresën e fikur akoma pa marrë përgjigjen shprehej;”Aha e humba edhe këtë provimin”.Pikërisht kjo e fundit është edhe më popullore në qytezën studentore në këtë stinë;” Provimi që më la.”

Teksa jam i përfshirë në ambjentin studentor dhe stinën e provimeve më erdhi në mendje figura e atletit. E keni parasysh atë pistën me tartan dhe me disa korsi. Me qëllim që të arrijë finishin atletit i duhet të fokusohet në korsinë e caktuar. Me vështrim të përqëndruar të vija e finishit. Nuk ka kohë të kthejë kokën majtas-djathtas. Gjithë koha e stërvitjes , disiplina, energjitë shkojnë drejt qëllimit ,fitimit të garës.

Tre gjëra nga kjo pikturë lehtësisht mund ti sjellim në jetën studentore.

Së pari, stërvitja dhe ushtrimi.
Ashtu si në suksesin e një garë, në suksesin e një provimi ka rëndësi sa kohë, mund dhe vëmendje i ke kushtuar kohës së përgatitjes. Asgjë të re nuk po them. Veç ki pritje realiste . Mos prit që të hysh në një garë pa stërvitje fare dhe të fitosh.

Së dyti, përqëndrimi
Nësë një atlet e kthen kokën majtas-djathtas kjo është energji e shkuar dëm. Ndërkohë që jep një provim përqëndrohu në dijet dhe njohuritë tuaja. Energjia psikologjike e hedhur në mendime që ai/ajo nuk janë më të mirë se unë apo përse ajo/ai të marrë notë të mirë dhe unë jo nuk të çojnë gjëkundi. Rezultati është një rëndesë psikologjike e panevojshme. Këtu NUK po them që të mos reagojmë ndaj padrejtësive. Po them që të përdorim këtë energji që të tejkalojmë vetveten në përmirësim nga provimi në provim. Po them të lëmë mënjanë xhelozitë dhe shpirtvogëlsitë e rastit.

Së treti, vija e finishit
Një provim nuk është qëllim në vetvete. Kujto qëllimin e madh. Fokusohu në arritjen e tij. Provimi është një nga betejat e luftës tënde akademike për të qënë një jurist, mjek, inxhiner, mësues etj. Për sa kohë ke në mendje fundin (vijën e finishit) një betejë e humbur nuk është gjë tjetër veçse një ndihmë e çmuar  në përvojën jetësore. Rëniet na mësojmë më shumë për fitoret. Na i bëjnë ato më të bukura. Rëniet na mësojnë për ngritjet.

E vini re perspektivën këtu? Shpresoj që në provimin e radhës do të veprosh si një atlet i mirë. Pa ankesa, pa dembeli, pa shpërqëndrime.

Shpresoj që lutja jote të jetë; “Faleminderit Perëndi që më dhe një vullnet dhe mendje për të mësuar”.

Autori Charles Spurgeon e përmbledh më mirë kur thotë;

Mos ia ushqe vetes mendimin se mund të kënaqesh duke mësuar ose se mund të mësosh pa disiplinë. Nuk është një fuqi që mund të ushtrohet natyrshëm, por një aftësi që duhet fituar gradualisht.

p.s Si do që të ndodhë, vlera jote nuk matet me  aftësitë tuaja të tanishme por personi që do të bëhesh .

Në fitore a humbje mos humb karakterin.

Agustin Prenga

Standard
Jetë Studentore

Ku ishe ti kur të doja unë?

 

Gjithnjë Shën Valentinët më gjejnë vetëm – me rrëfeu një miku im

teksa rrëkllenim një gotë vere në një nga lokalet e Tiranës. Duket sa herë nis një lidhje nuk arrin deri në ditën e të dashuruarve-përfundoi ai.

Shumë veta mund të gjenden në dilemën e mikut tim. Ku është dashuria kur më duhet

aq shumë? Ku është ai/ajo që dua? Prapë do ta kaloj vetëm këtë Shën Valentin?

 

A_Love

 

Standard
A Love
Jetë Studentore

Një ditë për dashurinë apo dashuri për një ditë.

Ja jemi afër asaj dite që quhet festa e të dashuruarve, dita ku të dashuruarit kujtohen që janë të dashuruar e të padashuruarit kujtohen të dashurojnë.

Një ditë që i kushtohet dashurisë kthehet cdo vit, në lindjen e dashurive një ditore mes të rinjsh, që nuk pëlqejnë që 14 shkurti ti gjejë vetëm.  Thirrja e brendshme e të dashuruarve në atë ditë është: Oh sa mirë që jam i dashuruar sot, ndërsa e të padashuruarve është: Ah sikur të isha i dashuruar të pakten vetëm sot.Këto thirrje janë shumë ndryshe nga njëra tjetra por, ato bashkohen në fokusimin në atë ditë, dhe ne të mos menduarit për ditën tjetër.

love-emo-wallpaper

Vazhdoni leximin

Standard
Jetë Studentore, Udhëheqsi

Bota ka nevojë për shembullin, jo opinionet tona

Bukuria e fjalës është e paimagjinueshme; thellësia e saj, mbytëse. Diktatin e fjalës e ndjen uzurpues në shfletimin e ethshëm të faqeve të romaneve të Remark, apo Heminguei ku sheh se si vargje shkronjash bashkohen në një seri të vazhdueshme që vetëm yjet e rradhitur lart në qiell mund t’i afrohen për nga bukuria. Thellësinë e fjalës e dallon lehtë në poezitë e Nerudës, ku një varg i vetëm të duket se ka gjithë botën brënda. Pesha e saj ndihet në fjalimet e guximshme e jetë-ndryshues të Martin Luter King, e ëmbëlsia e fjalës si askund tjetër është e prekshme në fjalët e të dashuruarve.

Ndaj, jo më kot, “në fillim ishte fjala”.

Prandaj, përballë madhështisë së fjalës, duket disi “blasfemuese” t’a vësh në dyshim mjaftueshmërinë e saj. Por, a mund të qëndrojë fjala (apo idetë/opinionet) në vetvete? A munden të ekzistojnë ato, pavarsisht aksioneve? E për të shkuar më larg, a nuk janë idetë tërësisht të varura prej aksioneve? A nuk vijnë fjalët në jetë, vetëm kur jeta jonë është dëshmi e qartë dhe e patjetërsueshme e tyre? Pikëpyetjet janë të shumta, dhe të gjitha na rrinë mbi kokë si çengelë kërcënues…

Më duket e qartë se me gjithë dëshirën e madhe, fjalët/idetë/opinionet tona nuk mund të qëndrojnë të shkëputur nga ajo çka ne besojmë/veprojmë; nga ajo çka ne jemi.

Shoqëria jonë është problematike. Këtë e dijnë të gjithë. Shpesh e përshkruajmë realitetin me ngjyra të errëta; i vendosim atij atij si kolonë zanore ndonjë muzikë funebër. E pastaj nisim të flasim për vlerat e humbura; për parimet që shiten e blihen aq lirë sa perimet. Veçojmë rëndësinë e integritetit e luftës për drejtësi, e aspak nuk kursehemi për të dhënë receta se si duhet të ndryshojë ky realitet.

Gjithësekush sipas midesë së vet. Kështu mbyllet një ditë, për të nisur një tjetër, e njëjtë me të parën: me të tjera përcaktime, me të tjera probleme, me të njëjtat receta. Opinionet hidhen nga kushdo dhe kudo. Që nga studiot e respektuara televizive e deri tek “studiot” më popullore, aty ky shqiptari krijon dhe zgjidh, thurr dhe shturr gjithë hallet e botës, pra nëpër kafene.

Ndaj është legjitime pyetja: çfarë vlere kanë të tillë opinione nëse nuk veprohet sipas asaj bindjeje? A nuk ngelet vetëm si një tollombace e fryrë, që edhe pse duket sikur fluturon, është tejet e brishtë? Kështu pra, parimet dhe vlerat për të cilat flasim nuk mund të jenë medalionë që i varim në qafë për të thënë se sa të mirë jemi. As nuk mund të jenë etiketa me të cilat përcaktojmë qënien tonë. Cilido që ka sjellë ndryshim në realitetin ku jeton ka qënë dikush që ka thënë gjëra të mëdha dhe e ka pasur me gjithë mend atë që thotë, duke bërë pra, gjëra të mëdha.

E vërteta është se ne besojmë vetëm në ato vlera të cilat edhe i jetojmë. Gjithçka tjetër është hipokrite. Virtyti nuk mund të praktikohet në distancë. Opinionet nuk kanë forcë ndryshuese nëse nuk jetohen. Fjalët, kanë nevojë për veprimin, ashtu siç njeriu për shtyllën e vet kurrizore. Ndryshe, bëhemi vuajtës të një skizofrenie të qëndrueshme, midis asaj që jemi dhe asaj që predikojmë se jemi.

Së fundmi, është disi paradoksale që të flasësh për “shembuj”, ndërkohë që jep “opinione” përmes një artikulli. Por bukuria e të vërtetës qëndron edhe këtu: ajo ekziston pavarsisht nesh. Ajo mbetet e vërtetë pavarsisht nëse ne e jetojmë ose jo atë.

Prandaj, më shumë se sa për opinionet, bota ka nevojë për shembullin tonë.

Evis Plaku

<

p>

Standard